Chaqiriqqacha harbiy taʼlim kafedrasi

Chaqiriqqacha harbiy ta’lim kafedrasi

Chaqiriqqacha harbiy ta’lim kafedrasi Buxoro davlat pedagogika instituti (BuxDPI) tarkibidagi muhim tarkibiy bo‘linmalardan biri bo‘lib, O‘zbekiston Respublikasi Qurolli Kuchlari hamda ta’lim tizimi ehtiyojlari uchun chaqiriqqacha harbiy ta’lim yo‘nalishi bo‘yicha yuqori malakali, zamonaviy bilim va kasbiy kompetensiyalarga ega pedagog kadrlar tayyorlashga ixtisoslashgan.

Kafedra faoliyati O‘zbekiston Respublikasi ta’lim va mudofaa sohasiga oid normativ-huquqiy hujjatlar, shuningdek, Buxoro davlat pedagogika instituti ustavi asosida tashkil etilgan.

Kafedrada ta’lim jarayoni zamonaviy harbiy-pedagogik texnologiyalar, raqamli ta’lim platformalari, amaliy va simulyatsion mashg‘ulotlar, innovatsion o‘qitish metodlari asosida olib borilib, talabalarda harbiy bilimlar, kasbiy ko‘nikmalar, yetakchilik qobiliyati hamda vatanparvarlik ruhini shakllantirishga qaratilgan.

Ta’lim yo‘nalishi va shakli:
Chaqiriqqacha harbiy ta’lim – kunduzgi

Professor-o‘qituvchilar tarkibi

Kafedrada jami 20 nafar professor-o‘qituvchi faoliyat yuritadi, jumladan:

• 4 nafar falsafa doktori (PhD),

• 11 nafar dotsent,

• 5 nafar katta o‘qituvchi va assistentlar.

Talabalar kontingenti

Kafedrada jami 400 nafar talaba tahsil olmoqda:

• 1-kurslar: 185 nafar

• 2-kurslar: 93 nafar

• 3-kurslar: 122 nafar

Har yili kafedra talabalarining 20 nafardan ortig‘i respublika va xalqaro fan olimpiadalari, ilmiy-amaliy konferensiyalar hamda turli tanlovlarda faol ishtirok etib kelmoqda.

Yutuqlar va natijalar

• 2025–2026 o‘quv yilida Mudofaa vazirligi tasarrufidagi harbiy ta’limga yo‘naltirilgan fakultetlar va bo‘linmalar o‘rtasidagi tekshiruv natijalariga ko‘ra 1-o‘rin egallangan.

• Kafedrada 2 nafar nomdor stipendiya sohibi tahsil olmoqda.

• “Qo‘l jangi” sport turi bo‘yicha:

  • O‘zbekiston Respublikasi chempionatida 5 ta oltin medal,

  • Xalqaro chempionatlarda 3 ta oltin va 5 ta kumush medal qo‘lga kiritilgan.

• “ZAKOVAT” intellektual klubi a’zolari Buxoro viloyati miqyosida o‘tkazilgan “Harbiy prokuror sovrini” musobaqasida 1-o‘rinni egallagan.

• Kafedra ofitser-o‘qituvchilari tomonidan harbiy fanlar bo‘yicha 50 dan ortiq darslik va o‘quv qo‘llanmalar chop etilgan.

• Respublika OAK jurnallarida 250 dan ortiq, xorijiy OAK jurnallarida 350 dan ortiq, shuningdek, xalqaro SCOPUS ilmiy bazasiga 25 dan ortiq ilmiy maqolalar taqdim etilgan.

• Talabalar teatr jamoasi viloyat bosqichida 2-o‘rinni egallagan.

Bitiruvchilar va bandlik ko‘rsatkichlari

Chaqiriqqacha harbiy ta’lim kafedrasi bitiruvchilari mehnat bozorida yuqori talabga ega mutaxassislar hisoblanadi. So‘nggi uch yil davomida bitiruvchilarning 100 foizi mutaxassisligi bo‘yicha ishga joylashgan.

Bitiruvchilar umumta’lim maktablari, akademik litseylar, kasb-hunar ta’lim muassasalari, shuningdek, davlat va nodavlat tashkilotlarida samarali faoliyat olib bormoqda.

Chaqiriqqacha harbiy ta’lim kafedrasi Buxoro davlat pedagogika institutida sifatli ta’limni tashkil etish, ilmiy izlanishlarni rivojlantirish hamda raqobatbardosh pedagog kadrlar tayyorlashni ta’minlovchi muhim bo‘g‘in hisoblanadi. Kafedra faoliyati zamonaviy ta’lim talablari asosida doimiy ravishda takomillashtirib borilmoqda.