Jismoniy tarbiya va sport kafedrasi

JISMONIY TARBIYA VA SPORT KAFEDRASI HAQIDA

Oliy ta’lim tizimida jismoniy tarbiya va sportni yuksak darajada ko‘tarish, yoshlarni milliy istiqlol g‘oyasi va milliy qadriyatlar ruhida tarbiyalashda asosiy kasbiy faoliyat bilan shug‘ullanuvchi mutaxassis kadrlarni tayyorlab berishdek vazifalar yuklatilgan oliy ta’lim muassasalaridan biri Buxoro davlat pedagogika instituti Jismoniy madaniyat fakultetining Jismoniy tarbiya va sport kafedrasi pedagog jamoasining faoliyati alohida ahamiyatga egadir.

Jismoniy tarbiya va sport kafedrasi 2022-2023 o‘quv yilida Buxoro davlat pedagogika instituti Jismoniy madaniyat fakulteti negizida tashkil etilgan. Kafedraga 2022-2023 yillarda dotsent Ibragimov Alisher Karamatovich rahbarlik qilgan.

Kafedraga 2023-2024 o‘quv yili boshidan Pedagogika fanlari bo‘yicha falsafa doktori(PhD), professor Saidov Izzatillo Istamovich rahbarlik qilgan.

Kafedraga 2024-2025 o‘quv yilida Pedagogika fanlari bo‘yicha falsafa doktori(PhD), dotsent Ibragimov Manuchexr Baxtiyorovich rahbarlik qilib kelmoqda.

Kafedrada hozirgi vaqtda 1 nafar pedagogika fanlari doktori(DSc), professor, 4 nafar pedagogika fanlari bo‘yicha falsafa doktori(PhD), 4 nafar dotsent, 9 nafar o‘qituvchilar o‘quv, ilmiy, ma’naviy-ma’rifiy yo‘nalishlarda faoliyat olib borishmoqda. 2022-2023 yillar davomida kafedradan 1 nafar fan doktori, 2 nafar dotsent, 10 dan ortiq sport o‘yinlari turlari bo‘yicha sport ustaligiga nomzod va sport ustalari tayyorlandi.  Professor-o‘qituvchilar tomonidan 15 dan ortiq darslik, 14 dan ortiq o‘quv qo‘llanma 2025 yilning shu vaqtiga qadar nashrdan chiqarilgan. Kafedraning ilmiy salohiyati hozirgi vaqtda 30% ni tashkil etadi.

Bugungi kunda kafedra professor-o‘qituvchilari quyidagi bakalavriat ta’lim yo‘nalishi va magistratura mutaxassisligiga o‘quv mashg‘ulotlarini tashkil etishmoqda.

Balakavr ta’lim yo‘nalishlari:

• 60112200-Jismoniy madaniyat;
• 60112200-Jismoniy madaniyat(shu jumladan, xotin-qizlar sporti);
• 60111900-Maktabgacha va boshlang‘ich ta’limda jismoniy tarbiya va sport;

Magistratura mutaxassisligi:

• 70112201- Jismoniy tarbiya va sport mashg‘ulotlari nazariyasi va metodikasi

Kafedra faoliyatining ilmiy-tadqiqot yo‘nalishlari:

• Jismoniy tarbiya va sport sohasida ta’lim, tarbiya, hamda innovatsion texnologiyalarni joriy etish metodikasini takomillashtirish;
• Sport turlari bo‘yicha yosh sportchilarni mashg‘ulot jarayonlarini to‘g‘ri tashkil etish metodikasini takomillashtirish.

Kafedra huzurida faoliyat yuritayotgan ilmiy, fan va sport to‘garaklari:

• Shashka va shaxmat;
• Qo‘l to‘pi;
• Basketbol;
• Futbol;
• Futzal;
• Regbi;
• Stol tennis;

Kafedrada o‘qitiladigan fanlar ro‘yxati:

 bakalavriat:

• Milliy va harakatli o‘yinlarni o‘rgatish metodikasi;
• Sport o‘yinlarini o‘qitish metodikasi;
• Bolalarga Futbolni o‘rgatish metodikasi;
• Bolalarga badmintonni o‘rgatish metodikasi;
• Yengil atletika va uni o‘qitish metodikasi;
• Sport inshootlari;
• Jismoniy tarbiya va sport menejmenti;
• Adaptiv jismoniy tarbiya va sport;
• Shaxmatni o‘qitish nazariyasi va amaliyoti;
• Sport mahoratini oshirish;
• Maktabgacha va boshlang‘ich ta’limda shaxmatni o‘qitish metodikasi;
• Sport pedagogik mahoratni rivojlantirish;
• Bolalar yengil atletikasini o‘rgatish;
• Sport turlari bo‘yicha musoboqalar o‘tkazish va hakamlik qilish;
• Stritbol nazariyasi va uslubiyoti;
• Shaxmat, shashka va uni o‘qitish metodikasi;
• Sport to‘garaklarini tashkil qilish;
• Harakatli o‘yinlar va uni o‘qitish metodikasi;

Magistratura:

• Sport bayramlari;
• Sport pedagogikasi;
• Sport menejmenti;
• Sinfdan tashqari ishlarni tashkil qilish va o‘tkazish;