Кафедра химии

KIMYO KAFEDRASI

Kimyo kafedrasi 2024-yil 4-sentabrdan boshlab “Tabiiy fanlar” kafedrasi negizida tashkil etildi. Kafedrada hozirgi kunda 10 nafar professor-o‘qituvchi asosiy shtatda, 2 nafar o‘qituvchi esa tashqi o‘rindosh sifatida faoliyat olib bormoqda.

Kafedraning ilmiy salohiyati 44,5 foizni tashkil etib, asosiy shtatdagi 9 nafar professor-o‘qituvchining 4 nafari ilmiy daraja va ilmiy unvonga ega yetuk mutaxassislardir.

2025/2026-o‘quv yilida kafedrada:

• Kimyo bakalavriat ta’lim yo‘nalishi bo‘yicha — 224 nafar talaba,

• Aniq va tabiiy fanlarni o‘qitish metodikasi (kimyo) mutaxassisligi bo‘yicha — 19 nafar magistrant tahsil olmoqda.

Kafedraning asosiy vazifalari

Kimyo kafedrasi quyidagi ustuvor yo‘nalishlarda faoliyat yuritadi:

• zamonaviy kimyo fanini o‘qitishning ilg‘or va innovatsion uslublarini joriy etish;

• kimyoviy ishlab chiqarish korxonalarida texnologik jarayonlarni boshqarish bo‘yicha bilim va ko‘nikmalarni shakllantirish;

• ishlab chiqarilayotgan mahsulotlarning tarkibini tahlil qilish hamda miqdoriy o‘lchash usullarini o‘rgatish;

• talabalarda kimyo nazariyasi va amaliyotini pedagogik faoliyatda samarali qo‘llash kompetensiyalarini rivojlantirish;

• zamonaviy xalqaro standartlarga mos baholash tizimlarini tatbiq etish;

• ilmiy-tadqiqot ishlarini rivojlantirish va ularni amaliyot bilan uzviy integratsiyalash.

Kafedrada o‘qitiladigan fanlar

Bakalavriat bosqichi:

• Kimyo tarixi

• Noorganik kimyo

• Organik kimyo

• Fizik kimyo

• Kolloid kimyo

• Analitik kimyo

• Kompleks birikmalar kimyosi

• Bioorganik kimyo

• Bionoorganik kimyo

• Kimyo o‘qitish metodikasi

• Kimyoni o‘qitishda zamonaviy texnologiyalar

• Fizik tadqiqot usullari

• Kimyoviy hisoblash

• Kimyoda kompyuterli modellashtirish

• Yuqori murakkablikdagi kimyoviy masalalar yechish uslubiyoti

• Yashil kimyo

• Kvant kimyosi

• Kimyoviy texnologiya

• Ekologik kimyo

Magistratura bosqichi:

• Kimyodan masalalar yechish metodikasi I va II

• Kimyoda raqamli texnologiyalardan foydalanish

• Maxsus fanlarni o‘qitish metodikasi

• Kimyoviy sintez

• Xromatografik analiz

• Zamonaviy polimerlar kimyosi

• Analizning fizik tadqiqot usullari

• Organik kimyoning nazariy asoslari

Kafedra rahbariyati

Kafedra mudiri — kimyo fanlari nomzodi, professor Ergashov Mansur Yarashovich. U o‘zining yuksak ilmiy salohiyati, kuchli tashkiliy qobiliyati va innovatsion yondashuvlari orqali qisqa vaqt ichida kafedrani institutning eng faol va nufuzli bo‘linmalaridan biriga aylantira oldi.

Uning rahbarligi ostida kafedrada xalqaro ilmiy hamkorliklar kengaytirilib, xorijiy mutaxassislar ishtirokida o‘quv mashg‘ulotlari va ilmiy seminarlar tashkil etilmoqda. Jumladan, Qozog‘iston Respublikasining Al-Farobiy nomidagi Milliy universiteti professori Bolat Uralbekov tashrifi doirasida hamkorlikdagi dars jarayonlari yo‘lga qo‘yildi.

So‘nggi yangiliklar va tadbirlar

• 2025/2026-o‘quv yili boshida respublika va xalqaro miqyosda “Kimyo o‘qitish metodikasining rivojlanish tendensiyalari: muammolar, yechimlar va tavsiyalar” mavzusida ilmiy-amaliy konferensiya o‘tkazildi.

• Kafedra tomonidan ilmiy-uslubiy to‘garaklar, ochiq darslar hamda ustoz–shogird anjumanlari muntazam ravishda tashkil etib kelinmoqda.